खबर

मकवानपुर । बागमती प्रदेश सरकार मन्त्रालय संख्या घटाएर सातमा सीमित गर्ने तयारीमा लागेको छ। प्रदेश सरकारका साझेदार दल नेपाली कांग्रेस र नेकपा एमाले यस विषयमा सहमत भएका छन्। २०७४ सालमा सात मन्त्रालयबाट काम प्रारम्भ गरेको बागमती सरकारले पछिल्ला वर्षहरूमा पटक–पटक विभाजन गर्दै मन्त्रालय संख्या १४ पुर्‍याएको थियो। अब भने त्यसको झण्डै आधा घटाउने गरी पुनर्संरचना अघि बढाइएको हो। गत असोज २४ गते हेटौंडामा बसेको कांग्रेस र एमाले संसदीय दलको संयुक्त बैठकमा मन्त्रालय संख्या घटाउने प्रस्ताव पेश गरिएको थियो। आर्थिक मामिला तथा योजना मन्त्री प्रभात तामाङका अनुसार बैठकमा प्रशासनिक पुनर्संरचना र मन्त्रालय संख्यामा कटौतीबारे विस्तृत छलफल भएको थियो। एमाले संसदीय दलले…

मकवानपुर । मकवानपुरको मनहरी गाउँपालिका ४ गोलघरस्थित खेल मैदानमा जारी तेस्रो चैनपुर जेसीज मनहरी कप फुटबल प्रतियोगितामा कमाने फुटबल एकेडेमी सेमिफाइनलमा प्रवेश गरेको छ । सोमबार भएको एक मात्र खेलमा मोडर्न युथ क्लव मनहरी १ लाई टाइब्रेकरमा हराउँदै कमानेले सेमिफाइनलमा स्थान पक्का गरेको हो । निर्धारित समय गोलरहित बराबरी भएपछि सिधै टाइब्रेकरमार्फत विजेताको टुंगो लगाइएको हो । खेलमा दुवै टिमले गोल गर्ने केही राम्रो मौका पाएपनि त्यसलाई सदुपयोग गर्न सकेनन् । टाइब्रेकरमा कमानेले मोडर्नलाई ३-१ ले हराएको हो । टाइब्रेकरमा कमानेका सुचन थिङ, सन्देश तामाङ र सम्पूर्ण नेवारको प्रहार गोल हुँदा मोडर्नका बिराज लामाले मात्र गोल गरे । मोडर्नका सन्जिव…

मकवानपुर । बागमती प्रदेश सरकारले संघीय सरकारले अनुमति दिएको एक महिनाभित्र स्मार्ट ड्राइभिङ लाइसेन्स वितरण प्रक्रिया सुरु गरिने गरि तयारी गरेको छ । प्रदेशको श्रम, रोजगार तथा यातायात मन्त्रालयले सोमबार मन्त्रालयमा गरेको पत्रकार भेटघाट कार्यक्रममा यस्तो बताइएको हो । मन्त्रालयले भाद्र २३ र २४ गतेको प्रदर्शनपछि पनि सेवा प्रवाह नरोकेको, क्षतिग्रस्त भवन र कार्यालयहरूको पुनर्निर्माण तीव्र गतिमा अघि बढिरहेको जानकारी दिएको छ। उक्त घटनाबाट मन्त्रालय भवन पूर्णरूपमा क्षतिग्रस्त भएको थियो भने दर्जनौ बढी सवारी साधनहरूमा क्षति पुगेको थियो। तर, मन्त्रालयले बाँकी भौतिक संरचनाको अधिकतम उपयोग गर्दै सेवा दिन रोकेको छैन। अब सेवाग्राहीहरूले लेखित र ट्रायलबाहेकका सबै प्रक्रिया अनलाइनमार्फत गर्न सक्नेछन्।…

मकवानपुर । मकवानपुरे पत्रकार बलराम पुडासैनीको स्वर रहेको गीत ‘वर पिपलु’ सार्वजनिक भएको छ । गीतको भिडियो अफिसियल युट्युब च्यानल मुर्चुङ्गा टिभिमार्फत सार्वजनिक गरिएको हो । गीतमा पुडासैनीलाई गायिका बिना राईले स्वरमा साथ दिएकी छन् । किशनप्रसाद सुवेदीको शब्द तथा सञ्जोग गौतमको संगीत रहेको गीतको भिडियोमा गायक पुडासैनी र गायिका राईको अभिनय समेत छ । गीतको संगीत संयोजन विश्व अधिकारीले गरेका हुन् । ओपल रेकर्डिङ स्टुडियो र अन्तरा स्टुडियोमा गीतको रेकर्डिङ् तथा भिडियोको छायाँकन गरिएको हो । गीतमा प्रेमको मधुर सुरुआत् र प्रेम सम्बन्ध तथा विछोडपछिको पीडा र आत्मबोधलगायतका संवेदनाहरुलाई समेट्ने प्रयास गरिएको छ । प्रेममा पर्ने युवायुवतीको भावना, ब्रेकअपपछि…

मकवानपुर। बागमती प्रदेशका स्वास्थ्य मन्त्री किरण थापाले मदन भण्डारी स्वास्थ्य विज्ञान प्रतिष्ठानले अन्तर्गत संचालित हेटौँडा अस्पतालको सेवा तथा भवन निरीक्षण गरेका छन्। निरीक्षणका क्रममा मन्त्री थापाले प्रतिष्ठानले सञ्चालनमा ल्याएको बीएस्सी नर्सिङ , बिपिएच, बिएमएलटी, बी फर्मा कार्यक्रमहरूको प्रशंसा गर्दै एमबीबीएसको पूर्वतयारीमा लाग्न आग्रह गरे । हाल सञ्चालनमा रहेको बीएस्सी नर्सिङ कार्यक्रमको सिट संख्या २० बाट बढाएर ४० पुर्‍याउन तयारीमा प्रतिष्ठानले तयारी गरेको छ । प्रतिष्ठानका उपकुलपति डा.प्रदिप ज्ञवाली, शिक्षाध्यक्ष डा. दिनेश कुमार लम्साल, रजिस्ट्रार भीमसागर गुरागाईं, निर्देशक डा.रामचन्द्र सापकोटा, अस्पताल सञ्चालन तथा व्यवस्थापन समितिका सदस्य उत्सव चौलागाईं , लक्ष्मी पौडेल, पूर्व सदस्य हिरा लामा लगायत चिकित्सक एवम अन्य कर्मचारीहरुको सहभागिता…

मकवानपुर । मकवानपुरको मनहरी गाउँपालिकाले किसानको बाली बिमा गर्न सुरुवात गरेको छ । बुधबार मनहरी ७ नम्बर वडाबाट बाली बिमा कार्यक्रम सुरु गरिएको हो । मनहरी गाउँपालिकाका अध्यक्ष रन्जन कालाखेती, उपाध्यक्ष सीता पुलामी मगरलगायतको उपस्थितिमा बुधबार मनहरी७ का सेतेलाल जिम्बाको १९ कठ्ठा खेतमा लगाइएको धानबालीको बिमा गरी कार्यक्रम सुरु गरिएको हो । अहिले धानबालीको सिजन भएकाले धानबालीको बिमा गर्न सुरु गरिएको र सिजनअनुसारका सबै अन्नबाली र तरकारी बालीसमेतको बिमा गरिने गाउँपालिकाका अध्यक्ष रन्जन कालाखेतीले जानकारी दिए । अन्नबालीमा किरा तथा अन्य रोगको प्रकोपलगायतका कारण अन्न उत्पादन नहुने कारण किसान मर्कामा परिरहेकाले अन्न उत्पादन नभएका कारण किसानलाई हुने हानी नोक्सानीको क्षतिपूर्ति…

मकवानपुर । मकवानपुरको मनहरी गाउँपालिकाले विपन्न परिवारको काजकिरियाका लागि आर्थिक सहयोग उपलब्ध गराउने कार्यलाई निरन्तरता दिएको छ । गाउँपालिका अध्यक्ष रन्जन कालाखेती, वडाध्यक्ष नारायण उप्रेतीसहितको उपस्थितिमा मंगलबार मनहरी–८ का चारवटा परिवारलाई प्रति परिवार २० हजार रुपैयाँ र श्रद्धाञ्जली पत्र हस्तान्तरण गरिएको छ । केही दिनअघि मात्रै निधन भएका मनहरी ८ का कृष्णबहादुर प्रजाको परिवारलाई भेट गरी मृत्यु दर्ताका साथै काजकिरियाबापत २० हजार रुपैयाँ प्रदान गरिएको हो । त्यसैगरी केही समयअघि निधन भएका लोकप्रसाद सुवेदी, बाबुराम स्याङ्तान र बिमन विकको परिवारलाई अध्यक्ष कालाखेतीसहितले घरमै पुगी श्रद्धाञ्जलीपत्र र नगद सहयोग हस्तान्तरण गरेका थिए । परिवारका सदस्यको निधनपश्चात् काजकिरिया गर्नका लागि आर्थिक समस्या…

मकवानपुर । आर्थिक वर्ष २०८२/८३ विहीबारदेखि सुरु भएको छ। प्रत्येक वर्ष साउन १ गतेदेखि नयाँ आर्थिक वर्ष सुरु हुने प्रचलन अनुसार यस वर्षको नयाँ आर्थिक वर्ष पनि प्रारम्भ भएको हो। सरकारले वि.सं. २०१८ सालदेखि आर्थिक वर्षको सुरुवात साउन महिनाबाट गर्ने र असार महिनामा समाप्त हुने व्यवस्था गरेको थियो । त्यसअघिसम्म लेखापाल, राजस्व तथा खर्च प्रणालीका लागि कुनै निश्चित समयावधि तोकिएको थिएन। नयाँ आर्थिक वर्षले विशेषगरी सरकारी कारोबारसँग सम्बन्धित विविध विषयमा परिवर्तन ल्याउनेछ। यससँगै राजस्व, शुल्क, जरिवाना लगायतका नयाँ व्यवस्था लागू हुनेछन्। देशका तीन तहका सरकारले आ–आफ्नो बजेट सार्वजनिक गर्ने गर्दछन्, र ती बजेटहरूको कार्यान्वयन आजदेखि नै सुरु भएको छ। यद्यपि…

मकवानपुर । हरेक वर्ष साउन १ मा मनाइने साउने सङ्क्रान्ति पर्व विहीबार मनाइँदैछ । सूर्यले मिथुन राशिको भोग पूरागरी कर्कट राशिमा प्रवेश गर्ने पहिलो दिन देशभर साउने सङ्क्रान्तिका रुपमा मनाउने प्राचीन परम्परा छ । साउनदेखि नै सूर्य दक्षिण हुँदै हिँड्ने भएकाले आजैदेखि दक्षिणायन सुरु हुन्छ । माघ १ गते सुरु हुने उत्तरायण र साउन १ गते सुरु हुने दक्षिणायनका दिनलाई विशेष रुपमा मनाउने गरिन्छ । अधिकांश नेपाली खेतीमा लाग्ने भएकाले असार महिनाभर कृषिकर्ममा व्यस्त हुन्छन् । त्यस क्रममा हिलोमैलोले लाग्ने छालासम्बन्धी रोग ठीक गर्न लुतो फाल्ने गरिएको धर्मशास्त्रविद् प्रा डा देवमणि भट्टराईको भनाई छ । कागभलायो, कुकुरडाइनो, लुतेझार, पानीअमला, कागती,…

मकवानपुर । बागमती प्रदेश सरकारले सार्वजनिक सुरक्षालाई थप प्रभावकारी बनाउन १० जिल्लाका ६४ स्थानमा १२० वटा सिसिटिभी क्यामेरा जडान गरी सञ्चालनमा ल्याएको छ। मंगलबार बागमती प्रदेशका आन्तरिक मामिला तथा कानुनमन्त्री सुरजचन्द्र लामिछानेले प्रहरी कार्यालय हेटौँडामा आयोजना गरिएको विशेष कार्यक्रममा उक्त निगरानी प्रणालीको औपचारिक उद्घाटन गरेका हुन् । प्रदेश सरकारको कुल २ करोड ८४ लाख ११ हजार ७ सय ३४ रुपैयाँको लागतमा जडान गरिएका यी क्यामेरा ३८ वटा प्रहरी युनिटमार्फत नियमित निगरानी गरिनेछन् । क्यामेरा जडानसँगै प्रदेशको शान्ति सुरक्षा व्यवस्थापन थप व्यवस्थित हुने मन्त्री लामिछानेले विश्वास व्यक्त गरे। उनले आगामी आर्थिक वर्षमा नयाँ भवन निर्माण, पुराना संरचनाको सुधार र थप निगरानी…